www.commona.org  
 
یرۆزبێت ۸ی مارس ڕۆژی جیهانی ژن
یەکێتی کۆمۆنیستەکان لەعێراق - کۆمیتەی دەرەوە

یرۆزبێت ۸ی مارس ڕۆژی جیهانی ژن

 بەبۆنەی هەشتی مارس ئەم سال دەبێت پشتیوانی و پیرۆزبایی تایبەت لە خەبات و ناڕەزایەتی ژنانی ئازا و شۆرشگێڕی عەفرین و کچە تێکۆشەرەکانی سەر شەقامەکانی ئێران بکرێت.

تاکو ئێستا سەرەڕای پێشرەوی و گەشەسەندنی سەرمایەداری لە ئاستی دنیا، کۆمەڵگای سەرمایەداری لە پێناو بەدەستهێنانی قازانج و بەرژەوەندی زیاتر ژنان وەکو کاڵایەک لە بازاری سێکس و هێزی کاری هەرزان بەکار  دەهێنێت، لە زۆربەی ولاتانی سەرمایەداری ژنان لە سەرەتاییترین مافەکانی خۆیان بێ بەش کراون، دوورخستنەوەیان لە فێرکردنی زانست و بەشداریکردنیان لە مەیدانی سیاسەت، لەباری کۆمەڵایەتیەوە وەکو مرۆڤێکی کەم ئەقڵ و بێ توانا و کەمتر لە پیاوان سەیر دەکرێت.

  سەرەڕای هەموو ئەو  پڕوپاگەندە ژەهراویانەی سیستەمی سەرمایەدای و پیاوسالارانەی کۆنەپەرستی ئیسلامی سیاسی لە دژی ژنان بەکاری دەهێنن، ژن و کچە دەست بە چەک و قارەمانەکانی عەفرین توانیان لە بەرامبەر بەهێزترین دەوڵەتی سەربازی ئەندامی ناتۆ و ڤاشیست ترین حکومەتی هاوکاری داعش ڕابوەستنەوە، هەروەها کچە شۆڕشگێڕەکانی سەرشەقام و کۆلانەکانی زۆربەی شارەکانی ئێران بە فرێدانی سەرپێچەکان و خۆپیشاندان و ناڕەزایەتی دژی کۆماری ئیسلامی ئێران بوەستنەوە.

ژنانی عەفرین و کچانی  شۆڕشگێر توانیان بە هەموو دنیا نیشانبدەن، بەتایبەتی بەو هێزە کۆنەپەرستانەی دەیانەوێت ژنان هەمیشە کۆیلەی بەردەستی ئارەزووەکانی پیاوان بن، نیشانیاندا ژنان نە هیچ شتێکیان لە پیاوان کەمتر نیە بەڵکو پیاوان بەبێ ئازادی ژنان لە کۆمەلگادا ئازاد نین.

لە کۆمەلگای سەرمایەداریدا ڕزگاری یەکجاری ژنان  پەیوەستە بە سەرکەوتنی خەباتی چینی کرێکار و نەمانی سیستەمی سەرمایەداری. بەرەو پێش چونی ئاستی وشیاری چینی کرێکار و پێکهێنانی ڕێکخراوە کرێکاری و جەماوەریەکان بەدەستهێنانی ماف و داخوازیەکانی زیاتری ژنانە.

 

بژی ۸ی مارس ڕۆژی جیهانی ژن

 

یەکێتی کۆمۆنیستەکان لەعێراق

کۆمیتەی دەرەوە

6/3/2018