head
 
 
 
ڕاگەیاندنی یەکێتی کۆمۆنیستەکان دەربارەی ناڕەزایەتی و خۆپیشاندانەکانی کوردستان    
یەکێتی کۆمۆنیستەکان
2017-12-19
 

ڕاگەیاندنی یەکێتی کۆمۆنیستەکان

 دەربارەی ناڕەزایەتی وخۆپیشاندانەکانی کوردستان



خۆپیشاندان و ناڕه‌زایه‌تی ره‌وای چین و توێژه‌ جیاجیاكانی كوردستان بۆ پێدانی مووچه و باشكردنی گوزه‌ران و دابینكردنی سه‌ره‌تاییترین خزمه‌تگوزاریه‌كان، دژ به ‌ده‌سه‌ڵاتی پارتی و یه‌كێتی و پارته‌ هاوپه‌یمانه‌كانیان، ده‌ستی پێكرده‌وه‌ و ئه‌مجاره‌یان تاڕاده‌یه‌ك گشتگیرترەو ناڕه‌زایه‌تیەکان نزیك به‌ ته‌واوی شارو شارۆچکەکانی هەرێمی گرتۆته‌وه‌و بە رۆشنی ئەوەی نیشاندا‌ كه‌ ئیتر خه‌ڵكی كوردستان شێوازی حوكمڕانی سیاسی و دۆخی ئابوری و كۆمه‌ڵایه‌تی پێشوو ره‌ت ده‌كاته‌وه‌، ده‌سه‌ڵاتی سیاسی باو له‌ڕوانگه‌ی ئه‌وانه‌وه‌ رۆیشتووه‌و زۆرینه‌ی دانیشتوانی ئه‌م هه‌رێمه،‌ هه‌رچه‌ند له‌ئێستادا جێگره‌وه‌یه‌ك و به‌دیلێكی بۆ په‌یدانه‌كردووه‌، چیتر ئه‌و ده‌سه‌ڵاته‌ سته‌مكاره‌ی ناوێت و قبوڵ نیە.


هەڵبەت باڵ و به‌شه‌ جیاجیاكانی ده‌سه‌ڵاتی هەرێم و كه‌سایه‌تیه‌ گه‌نده‌ڵ و ڕسواكانی كه‌وتونه‌ته‌خۆ تاكو به‌سودی مانه‌وه‌ی خۆیان و پاراستنی ده‌سكه‌وته‌كانی پێشوویان كه‌ڵك له‌م خۆپیشاندانانه‌ وه‌ربگرن بۆ یه‌كلاكردنه‌وه‌ی كێشه‌كانیان و پاكتاوكردنی ململانێ و ركه‌به‌ریه‌ سیاسی و ئابوریه‌كانیان له‌گه‌ڵ یه‌كتر.


 خەڵکی کوردستان نابێت بوار بەم یاریە قێزەونانە بدەن و‌ وێڕای به‌شداری فراوان له‌ ناڕه‌زایه‌تی و خۆپیشاندانه‌كان دەبێت هه‌وڵ بدرێت بۆ سه‌رتاسه‌ری بوونه‌وەی زیاتری‌ خۆپیشاندانەکان و قه‌ره‌بووكردنه‌وه‌ی كه‌موكوڕی و لاوازیه‌كانی، هاوکات ئێمە ئه‌و ڕاستیه‌ دووپاتده‌كه‌ینه‌وه‌ كه‌ سه‌ركه‌وتنی خه‌بات و تێكۆشانی خه‌ڵكی كوردستان و گه‌یشتنی به‌ داخوازی و خواسته‌ ڕه‌واكانی، وه‌ له‌پێش هه‌موویانه‌وه‌ نه‌مان و لاچوونی ده‌سه‌ڵاتی سته‌مكارانه‌ی پارتی و یه‌كێتی و پارته‌ هاوپه‌یمانه‌كانیان و دادگاییكردنی به‌رپرسه‌كانیان، به‌نده‌ به‌ چڕكردنه‌وه‌ی هه‌وڵ و تێكۆشان بۆ هێنانه‌ئارای به‌دیل و جێگره‌وه‌یه‌ك نه‌ك هه‌ر ته‌نها بۆ ده‌سه‌ڵاتی سیاسی، به‌ڵكو بۆ كۆی بونیاده‌ ئابوری و كۆمه‌ڵایه‌‌تیه‌كانیشی، وه‌ هه‌ر پێشڕه‌ویه‌ك به‌دی بێت پێویسته‌ بخرێته‌ خزمه‌تی ئه‌و ئامانجه‌ بنه‌ڕه‌تیه‌وە.


به ‌له‌به‌رچاوگرتنی ئه‌وه‌ی كه‌ هێشتا ده‌سه‌ڵاتی باو، هێزه‌ جیاوازه‌كانی قۆرخی دام و ده‌زگاكانی سه‌ركوت و داپڵۆسینیان كردووه‌ و كۆی سه‌روه‌ت و سامانی ئه‌م ووڵاته‌یان بۆ خۆیان قۆرخكردووه‌، وه تاڕادەیەک‌ له‌پشتیوانی هێزو ده‌وڵه‌ته‌ ناوچه‌ییه‌كان و ئه‌مریكا و ووڵاتانی تر به‌هره‌مه‌ندن،  بۆیە خه‌ڵكی كوردستان ڕێگایه‌كی سه‌ختی له‌پێشه‌ بۆ گه‌یشتن به‌ ئامانجه‌كانی و کۆتایی هێنان بەو دەسەڵاتە ستەمکارە، ته‌نها به‌ به‌ره‌نگاری زیاتر، ‌ یه‌كگرتوویی، ڕێكخراوبوون، ده‌ستبردن بۆ خۆبه‌ڕێوه‌به‌ری له‌فۆرمه‌ جیاوازه‌كانیدا، كۆبوونه‌وه‌و ڕێكخراوبوونی سیاسی و پێشكه‌وتوو وه‌ …. ده‌توانن كۆسپ و له‌مپه‌ره‌كان تێپه‌ڕێنن روه‌و كۆمه‌ڵگایه‌كی سۆشیالیستی ئازاد و خۆشگوزه‌ران.


 



 

سه‌ركه‌وتووبێت خه‌بات و تێكۆشانی خه‌ڵكی كوردستان

بژی سۆشیالیزم

 

یه‌كێتی كۆمۆنیسته‌كان

كۆمیته‌ی ناوه‌ندی

١٩ كانوونی یه‌كه‌می٢٠١٧

 

 

 
نوسخەی ئامادە بۆ چاپ  
 
سەرنجەكان
   

[1] [2] [3] [4] [5]

  سەرنجێك بنووسە...
ناو: پێویستە ناوێك بنوسیت
ئیمێڵ پێویستە ئێمێڵ بنوسیتئیمێڵەكە بە دروستی بنوسە
سەرنج:  هیچ سەرنجێك نەنوسراوە-
 
 
  باشتر وایە سەرنجەکەت بە یونیکورد بنوسیت... دەتوانیت لێرەدا ئەو کارە بە ئاسانی بکەیت
رۆشنگەری  
دواین بابەتەكان
پەرلەمانتاریزم و دەوڵەتسازی و نەخشەڕێگای گۆڕانکاری و بەرەنگاری..
ووتوێژی سایتی کۆمۆنە لەگەڵ هاوڕێ نزار عبداللە
دانانی " گەمارۆی ئاو" لەسەرخەڵکی عێراق و هەرێمی کوردستان، ئیدانەو شەرمەزار دەکەین!
یەكێتی كۆمۆنیستەكان لە عێراق - کۆمیتەی ناوەندی
بەرزراگرتنی ١ی ئایار لە سلێمانی
عەلی مەولود
یەكی ئایار، رۆژی هاوخەباتی چینی كرێكاری جیهانە!
یەكێتی كۆمۆنیستەكان لە عێراق
کۆڕەو لە دیگایەکی ترەوە
عەلی مەولود
هەڵوەشاندنەوەی تەواوی سیستمی پاشەکەوتی مووچە خواستی دەسبەجێ ی خۆپیشاندەرانی کوردستانە
یەکێتی کۆمۆنیستەکان لە عێراق
٨ ی مـارس رۆژێک بۆ بەرەنگاری
یەكێتی كۆمۆنیستەكان لە عێراق - کۆمیتەی ناوەندی
یرۆزبێت ۸ی مارس ڕۆژی جیهانی ژن
یەکێتی کۆمۆنیستەکان لەعێراق - کۆمیتەی دەرەوە
دەستبەسەركردنی سالح موسلیم بە توندی ئیدانە دەكەین
یەكێتی كۆمۆنیستەكان لە عێراق
پێشەکی
ئالان بادیۆ

 

 commona
 
 

info@commona.org - commonasite@gmail.com

سەرجەم مافەكانی ئەم سایتە پارێزراون