head
 
 
 
راگەیاندنی یەكێتی كۆمۆنیستەكان لەسەر دۆخی دوای خۆپێشاندانەكان    
راگەیاندنی یەكێتی كۆمۆنیستەكان لە عێراق
2017-12-28
 

راگەیاندنی یەكێتی كۆمۆنیستەكان  لەسەر دۆخی دوای خۆپێشاندانەكان

 

لەبەرامبەر خۆپیشاندانەکانی ئەم دواییەی زۆربەی شار و شارۆچکەکانی هەرێمی کوردستاندا، کە زیاتر لە خۆپیشاندانەکانی پێشوو لەناوچوون و وەلانانی ئەم دەسەڵاتە ستەمکارەی کردبوو بە ئامانج، دەسەڵاتدارانی هەرێم بە ئاگر و ئاسن بەرپەرچی نارەزایەتی خەڵکیان دایەوەو دەستیاندایە رەشبگیری و بەرتەسککردنەوەی هەموو جۆرە ئازادیەکان و ناوەندی شارەکانیان کرد بە سەربازگە و ئەو هێزە سەربازی و ئەمنیانەی لە ناوچە جێناکۆکەکان لە بەرامبەر حەشدی شەعبی و هێرشی سەربازی دەوڵەتی عێراقدا بەرگەیان نەگرت و تێکشکان، هێنرانە سەر خەڵکی کوردستان و هەموو ئەو چەکە پێشکەوتووانەی لە وڵاتانی ئیمپریالیستی بۆ رووبەڕووبوونەوەی دەوڵەتی ئیسلامی داعش وەریانگرتبوو(هەر لە چەکی گازرێژەوە تا هەمەرو چەکە قورسەکان) لە دژی نارەزایەتی خەڵک تاقیکرانەوە و نمایشیانکردن..

ئەو پەرچەکردارەی دەسەڵات ئەگەر بەدیوێکدا بەمانای بە تەواوی جیابوونەوەو دابڕانی بێت لە خەڵکی کوردستان ئەوە بەدیوەکەی تردا بە مانای کۆتایی هاتنیەتی، هاوشێوەی هەموو ئەودەسەڵاتە دژی خەڵکی و ستەمکارانەی بەر لەوان شکستیانخواردووەو رووخاون، کە رووخانی شەرمهێنەرانەی رژێمەکانی صدام و موبارەک و قەزافی و بن عەلی نمونەی زیندوون لەرابردوویەکی زۆر نزیکدا، کە هەموو ئەوانە هێزی سەربازی و ئەمنی و چەک و فێڵ و جادووەکانی خۆیان بەکارهێنا و دواجار بە ریسوایی و شەرمەزاری تێکشکان، ئەو پەرچەکردارانەی دەسەڵاتی هەرێم لە نیشانەو بەڵگەی سەرەمەرگ نزیکترە تاکو لە هێزو توانا.

   هێرش و پەلامارو كوشتن‌و برینداركردنی خۆپیشاندەران و بە سەربازی كردنی ناوەندی شارەكان تا ئاستی رادەستكردنی هەندێك شوێن بە دەسەڵاتی سەربازی و دروستكردنی كەشێکی میلیتاریزە و هاوكات گرتنی ژمارەیەكی زۆر لە خۆپیشاندەران‌و داخستنی كەناڵەكانی ئێن ئاڕ تی ‌و دەستگیركردنی (شاسوار عبدالواحد) و چەندین کەسی دیاریتر، نیشانەی ئەوەیە دەسەڵات ترسێكی زۆری لەو ناڕەزایی و خۆپیشاندانانە هەبووە و بەردەوامی دەستگیركردنەكانیش ئەوە دەسەلمێنێ‌ كە تارمایی ئەو ترسە نەڕەویوەتەوە.

لە کاتێکدا ئەم کارکردانە کارنامەی ڕەشی دەسەڵاتی هەرێم ڕەشتر دەکات هاوکات دوایین خۆشباوەڕیەکان پێی دەڕەوێنيتەوە، زۆرینەی خەڵکی کوردستان بەرەو یەکگرتوویی و خۆئامادەکردن بۆ رووبەرووبوونەوەی نوێ و هاوهەڵوێستی دژ بە سەربازگەکردنی شارەکان و سەرکوت و میللیتاریزم دەکات بە پێویستیەکی هەنووکەیی.

  هەڵبەت ناڕەزایی و خۆپیشاندانەكانی هەفتەی رابردوو وەك رووداوێكی راگوزەر تێناپەڕێت‌، ئەڵقەیەکی ترە لە توندبوونەوەی خەبات و تێکۆشان بۆ بەدەستهينانی خواست و داواکاریەکان و دواجار نەهێشتنی ستەمکاری لە کوردستاندا، ئەگەرچی كەم‌و كوڕییەكانی خرۆشانەكە لەلایەك ‌و بەكەم گرتنی مەترسیەكانی دەسەڵات لەلایەكی ترەوە دوو هۆكاری سەرەكی کپبوونەوە و خامۆشبوونی خۆپیشاندانەكان بوون.

هەرچەند لە بەرانبەر ئەو ستەمە هەمەلایەنە و بەردەوامەی دەسەڵاتداران بەرانبەر بە خەڵكی ئەم هەرێمەی دەكەن، تەنها لەناوچوون و نەمانی ئەم دەسەڵاتە ڕێگاچارەیە، بەڵام دەکرێ لەم پرۆسەیەدا و لە ئيستادا خەڵکی کوردستان پەنا بۆ دەربڕین و نواندنی ناڕەزایەتی و رەتکردنەوەی گشتی دەسەڵات بەرن لەفۆرمی جیاوازتر و گونجاودا لەچەشنی مانگرتنی گشتی.

 

هەرچەند رۆیشتن و نەمانی ئەم دەسەلاتە بووە بە مەسەلەی رۆژ، بەڵام لە حاڵەتی نائامادەیی ‌و ناڕێکخرابوونی کريکاران و خەڵکی ستەمدەیدەو زەحمەتکێشدا مەترسی ئەوە لەئارادایە هێزی تری ناسیۆنالیستی و ئیسلامی هاوشێوە ببێت بە جێگرەوە، لەم ڕوانگەیەوە ئێمە بۆ بەدیهێنانی گۆڕانکاری ریشەیی، نەک تەنها شکڵی و فۆرماڵی لە دەسەڵاتدا، وە هەروەها بۆ گۆڕینی تەواوی سیستەمەكە خۆرێكخراوبوون‌ و پەرەدان بە ئایدیای هاوبەشێتی ‌و خۆبەڕێوەبەری لە تەواوی جومگەكانی ژیاندا و ڕێکخستنی بەرەنگاری لە بەرەیەکی ڕادیکاڵ و سۆشیالیستدا بە پێشمەرجی سەركەوتن دەزانین.

 

 

یەكێتی كۆمۆنیستەكان

كۆمیتەی ناوەندی

کۆتایی دێسەمبەری ٢٠١٧

 

 
نوسخەی ئامادە بۆ چاپ  
 
سەرنجەكان
   

[1] [2] [3]

  سەرنجێك بنووسە...
ناو: پێویستە ناوێك بنوسیت
ئیمێڵ پێویستە ئێمێڵ بنوسیتئیمێڵەكە بە دروستی بنوسە
سەرنج:  هیچ سەرنجێك نەنوسراوە-
 
 
  باشتر وایە سەرنجەکەت بە یونیکورد بنوسیت... دەتوانیت لێرەدا ئەو کارە بە ئاسانی بکەیت
رۆشنگەری  
دواین بابەتەكان
کۆڕەو لە دیگایەکی ترەوە
عەلی مەولود
هەڵوەشاندنەوەی تەواوی سیستمی پاشەکەوتی مووچە خواستی دەسبەجێ ی خۆپیشاندەرانی کوردستانە
یەکێتی کۆمۆنیستەکان لە عێراق
٨ ی مـارس رۆژێک بۆ بەرەنگاری
یەكێتی كۆمۆنیستەكان لە عێراق - کۆمیتەی ناوەندی
یرۆزبێت ۸ی مارس ڕۆژی جیهانی ژن
یەکێتی کۆمۆنیستەکان لەعێراق - کۆمیتەی دەرەوە
دەستبەسەركردنی سالح موسلیم بە توندی ئیدانە دەكەین
یەكێتی كۆمۆنیستەكان لە عێراق
پێشەکی
ئالان بادیۆ
عەفرین و رۆژاڤا باکگراوندو دەرهاویشتەکانی
عەلی مەولود
هێرش و هەڕەشەكانی توركیا بۆ سەر عەفرین بە توندی ئیدانە دەكەین
یەكێتی كۆمۆنیستەكان لە عێراق
راگەیاندنی یەكێتی كۆمۆنیستەكان لەسەر دۆخی دوای خۆپێشاندانەكان
راگەیاندنی یەكێتی كۆمۆنیستەكان لە عێراق
ڕاگەیاندنی یەکێتی کۆمۆنیستەکان دەربارەی ناڕەزایەتی و خۆپیشاندانەکانی کوردستان
یەکێتی کۆمۆنیستەکان

 

 commona
 
 

info@commona.org - commonasite@gmail.com

سەرجەم مافەكانی ئەم سایتە پارێزراون