head
 
 
 
٨ ی مـارس رۆژێک بۆ بەرەنگاری    
یەكێتی كۆمۆنیستەكان لە عێراق - کۆمیتەی ناوەندی
2018-03-08
 

٨ مارس، رۆژی جیهانی ژنان، وەک رۆژێک بۆ بەرەنگاری و بەرخۆدانی ژنان و پیاوانی ئازادیخواز پیرۆزبێت.

ستەم و بێ مافی ژنان لەسایەی سیستمی باودا، بەتایبەتی لەووڵاتانێک کە گیرۆدەی شەڕ و جەنگ و داگیرکارین و لێوان لێون لە قەیرانی سیاسی و ئابووری بەردەوام و درێژخایەن، وە بوون بە گۆڕەپانی سەرهەڵدان و زیندووبوونەوە و لە گۆڕدەرهاتنی چەندین هێزی و دەسەڵاتی کۆنەپەرست و داڕزیوو لەچەشنی داعش و هێزە کۆنەپەرستە ئیسلامیەکان و هاوشێوەکانیان، وادەخوازێت کە نەک هەر رۆژی ٨ مارس پیرۆزبکەین و لەو رۆژەدا زیاتر دەنگ لە دژی بێ مافی و ستەمکێشی و پلەدوویی ژنان هەڵبڕین، بەڵکو هەموو رۆژێک و بەردەوام سەنگەرێکی بەردەوام و درێژخایەن لێبدەین بۆ وەستانەوە و بەرەنگاری و بەرخۆدانی ژنان..

جێگای خۆیەتی لەم ٨ مارسەدا بەرخۆدانی ژنانی رۆژئاوا، سەنگەرگرتنی ژنە شەڕڤانەکانی سوریا لەدژی تیرۆریزمی داعش و لە دژی هێزە کۆنەپەرستەکان و هێرش و پەلاماری فاشیستیانەی دەوڵەتی تورکیا، وەک سومبولێکی نوێ و پڕشکۆ بەرز ڕابگرین، هەروەها هاتنەمەیدانی بە لێشاو و جەماوەری ژنان لەم دواییانەدا دژی جمهوری کۆنەپەرستی ئیسلامی وەک نمونەیەکی پرشنگداری ناڕەزایەتی و توڕەیی ژنان لە سیستەمە کۆنەپەرستەکانی ناوچەکە پیرۆزبکەین..

بــــــا ٨ مارس رۆژی شکۆبەخشین و بەرزڕاگرتنی ئەم ئەزمونانە بێت، تێپەڕکردنی زیاتری ئەو وێنە نەریتیە بێت بۆ ژنان کە لیبرالیزمی رۆژئاوا، وەک ژنانی سفور و ڕووت و کاڵایەکی ڕازاوە، کێشاوێتی، شکاندنی زیاتری ئەو قاڵبە بتئاسایە بێت کە کۆنەپەرستی ئیسلامی و هاوشێوەکانی بۆ ژنان دروستیان کردووە و وەک ژنی دەمامکدار و حەریم و کۆیلە و خزمەتکارێکی بێ دەنگ هەموو رۆژێک بەرهەمی دەهێننەوە.

خۆشبەختانە لە ٨ مارسەدا ئەم سومبولانە بەدەستهاتوون و ئەو ناڕەزایتیانە گەیشتوون بە لوتکە، هەر لەبەرئەوەیە تێکڕای هێزە کۆنەپارێزەکان لە سیستمی سەرمایەداری باودا لێی تۆقیون، نەک هەر لە خۆی و لە سومبولەکانی بەڵکو لە تارماییەکەشی دەترسن و هەوڵەکانیان یەکخستووە بۆ لێدان و پووچەڵکردنەوەی.

ژنانی عێراق و کوردستان، لەجەرگەی ئەم نەبەردەدان، هەرچەند ئەوان بەهۆی دەسەڵاتی هێزە تائیفی و ئیسلامی و نەتەوەپەرستە گەنیوەکانەوە لە هەمووان زیاتر گیرۆدەتر بوون، شەڕ و ماڵوێرانی، ستەم و نایەکسانی لە پێش هەمووانەوە یەخەی بەوان گرتووە و زۆر لەنیوە زیاتر قوربانی ئەو دۆزەخەن کە خەڵکی ئەم ووڵاتە تیایدا دەژی، بەڵام هاوکات هێزی سەرەکی و پێشەنگن لەخەبات و بەرەنگاری دژ بە ستەمکاریدا، هەربۆیە زیاتر ئیلهام لەو ئەزموونانە وەردەگرن و بۆ خەبات و تێکۆشان لەپێناو دۆزینەوەی بەدیل و ئەلتەرناتیڤی کۆمەڵایەتی نوێ بۆ یەکسانی و بۆ ئازادی و بۆ هاوژینی کەڵکی لێوەردەگرن..

 

یەکێتی کۆمۆنیستەکان لە عێراق

کۆمیتەی ناوەندی

٨ مارسی 2018

 

 
نوسخەی ئامادە بۆ چاپ  
 
سەرنجەكان
   

[1] [2] [3]

  سەرنجێك بنووسە...
ناو: پێویستە ناوێك بنوسیت
ئیمێڵ پێویستە ئێمێڵ بنوسیتئیمێڵەكە بە دروستی بنوسە
سەرنج:  هیچ سەرنجێك نەنوسراوە-
 
 
  باشتر وایە سەرنجەکەت بە یونیکورد بنوسیت... دەتوانیت لێرەدا ئەو کارە بە ئاسانی بکەیت
رۆشنگەری  
دواین بابەتەكان
کۆڕەو لە دیگایەکی ترەوە
عەلی مەولود
هەڵوەشاندنەوەی تەواوی سیستمی پاشەکەوتی مووچە خواستی دەسبەجێ ی خۆپیشاندەرانی کوردستانە
یەکێتی کۆمۆنیستەکان لە عێراق
٨ ی مـارس رۆژێک بۆ بەرەنگاری
یەكێتی كۆمۆنیستەكان لە عێراق - کۆمیتەی ناوەندی
یرۆزبێت ۸ی مارس ڕۆژی جیهانی ژن
یەکێتی کۆمۆنیستەکان لەعێراق - کۆمیتەی دەرەوە
دەستبەسەركردنی سالح موسلیم بە توندی ئیدانە دەكەین
یەكێتی كۆمۆنیستەكان لە عێراق
پێشەکی
ئالان بادیۆ
عەفرین و رۆژاڤا باکگراوندو دەرهاویشتەکانی
عەلی مەولود
هێرش و هەڕەشەكانی توركیا بۆ سەر عەفرین بە توندی ئیدانە دەكەین
یەكێتی كۆمۆنیستەكان لە عێراق
راگەیاندنی یەكێتی كۆمۆنیستەكان لەسەر دۆخی دوای خۆپێشاندانەكان
راگەیاندنی یەكێتی كۆمۆنیستەكان لە عێراق
ڕاگەیاندنی یەکێتی کۆمۆنیستەکان دەربارەی ناڕەزایەتی و خۆپیشاندانەکانی کوردستان
یەکێتی کۆمۆنیستەکان

 

 commona
 
 

info@commona.org - commonasite@gmail.com

سەرجەم مافەكانی ئەم سایتە پارێزراون