head
 
 
 
هەڵوەشاندنەوەی تەواوی سیستمی پاشەکەوتی مووچە خواستی دەسبەجێ ی خۆپیشاندەرانی کوردستانە    
یەکێتی کۆمۆنیستەکان لە عێراق
2018-03-25
 

هەڵوەشاندنەوەی تەواوی سیستمی پاشەکەوتی مووچە خواستی دەسبەجێ ی خۆپیشاندەرانی کوردستانە

وەک کاردانەوەیەک بەرانبەر ئەو فێڵ و ڕێککەوتنە ژێر بەژێرەی حکومەتی هەرێمی کوردستان و حکومەتەکەی عەبادی لەمەڕ مووچە و قووتی خەڵکی کوردستانەوە جێبەجێیان کرد و تیایدا سیستمی پاشەکەوتی مووچەیان چەسپاند، ئەمڕۆ لە سەرتاسەری هەرێمی کوردستان خۆپیشاندان و ناڕەزایەتی فراوانی جەماوەری بە بەشداری دەیان هەزار کەس لەسلێمانی و هەولێرو هەڵەبجە و کەلار و دهۆک و کۆیە و رانیە و چەندین شار وشارۆچکەی تر بەڕێوەچوو..

وە هەروەک چاوەڕوان دەکرا دەسەڵاتدارانی هەریمی کوردستان و هێزە ئەمنیەکان هەوڵەکانیان خستەگەڕ بۆ پووچەڵکردنەوە و ڕێگریکردن لەخۆپیشاندانەکان و ئەوەبوو لەهەولێر بەزۆر بڵاوەیان پێکردن و لەئاکامی پەلامار و هێرشی ئەو هێزانەدا چەندین کەس برینداربوون و چەندین کەسی تر دەسگیرکران و جگە لە دەستبەسەراگرتنی کەل و پەلی رۆژنامەنوسان و پەلاماردانی مۆبایلەکانی هاوڵاتیان و خۆپیشاندەران.

خرۆشان و خۆپیشاندانی دووبارەی مامۆستایان و کارمەندانی تەندروستی و پزیشکان و خانەنشینان و کەمئەندامان و کارمەندانی داگا و فەرمانگە حکومیەکان و بانکەکان و ....تاد ئەمجارە بەشێوەیەکی فراوانتر و گشگیرتر بەڕێوەچوون و بەردەوامییان دەبێت، هەرئەمەیە کە حکومەتی هەرێمی کوردستانی هێنایە سەرچۆک و وەک دەرئەنجامێک هەنگاوێکیان بۆ پاشەکشەکردن هێشتەوە و بەڵێنیان دا کە بەسیستمی پاشەکەوتی مووچەدا دەچنەوە و گوایە چاکسازی تیادا دەکەن..

لەلایەکی ترەوە بەمەبەستی ئەوەی ئەم خۆپیشاندان و خرۆشانە جەماوەریە نەبێت بە بەرەنگاری دژی ستەمکاری سیستمی زاڵ لە کوردستاندا هێزە سیاسیە دەسەڵاتدارەکان و ئۆپۆزسیۆنەکانی هاوشێوەیان کەوتونەتە خۆ بۆ گەرمکردنی بازاڕی هەڵبژاردنی پەرلەمانی داهاتووی عێراق و کوردستان و هەر لەئێستاوە  کەوتوونەتە جوڵاندن وە یان کەڵکوەرگرتن لەدەنگ و ناڕەزایەتی شەقام بۆ مەرام و پڕوپاگەندەی پیشوەختی هەڵبژاردن و هێنانە پێشەوەی کاندیدەکانیان و بڵاوکردنەوەی ریکلامە سیاسیە سواوەکانیان.

ئێمە وێڕای دووپاتکردنەوەی هەڵوێستی نەگۆڕی خۆمان بۆ پشتیوانی و پشتگیری لە خۆپیشاندان و ناڕەزایەتیەکانی خەڵکی کوردستان دژ بەدەسەڵاتدارانی هەرێم و رەوابوونی تەواوی دەربڕینی توڕەیی لە گەمەکردن بە نان و قووتی ئەوان، وە ئیدانەکردنی توندی پەلامار و هێرشکردنە سەر خۆپیشاندەران و خەڵکی توڕەو ناڕازی و پیلانگێڕی لە دژیان، هاوکات ئەوە بە پێویست دەزانین کە ئەم شەپۆلە نوێیە بەردەوام بێت تا گەیشتن بە داخوازی و مافە ڕەواکانیان و هەڵوەشاندنەوەی سیستمی پاشەکەوتی مووچە، ببێت بە وێستگەیەک بۆ پەرەسەندن و بەردەوامی خەبات و تێکۆشانی خەڵکی ستەملێکراو و چەوساوەی کوردستان دژ بە سیستمی سیاسی و ئابووری زاڵ لەهەرێمی کوردستاندا و ببێت بە وێستگەیەک بۆ بەرخۆدان و بەرەنگاری، تێهەڵچوونەوەیەک بۆ بناغەدانان بۆ بنیاتنانی کۆمەڵگایەک لەسەر بنەمای ئازادی و یەکسانی و نەهیشتنی ستەمکاری.

لەم سۆنگەیەوە ئەوە ئەرکی هەڵسووڕاوانی کۆمۆنیست و چەپ و ئازادیخوازە بەم ئاسۆیە و بەم ئاراستەیە کاربکەن و ڕیگە بگرن لەوەی دەنگە ناڕازیەکانی شەقام ببێت بە دەنگە سوتاوەکانی سندوقەکانی هەڵبژاردن و پەمپدانی گەمەی پەرلەمانی و ئارایشتدانەوەیەکی تری هەمان سیستمی سیاسی و حوکمڕانی لە کوردستاندا..

 

یەکێتی کۆمۆنیستەکان لە عێراق

٢٥ مارسی ٢٠١٨

 

 
نوسخەی ئامادە بۆ چاپ  
 
سەرنجەكان
   

[1] [2] [3]

  سەرنجێك بنووسە...
ناو: پێویستە ناوێك بنوسیت
ئیمێڵ پێویستە ئێمێڵ بنوسیتئیمێڵەكە بە دروستی بنوسە
سەرنج:  هیچ سەرنجێك نەنوسراوە-
 
 
  باشتر وایە سەرنجەکەت بە یونیکورد بنوسیت... دەتوانیت لێرەدا ئەو کارە بە ئاسانی بکەیت
رۆشنگەری  
دواین بابەتەكان
بەرزراگرتنی ١ی ئایار لە سلێمانی
عەلی مەولود
یەكی ئایار، رۆژی هاوخەباتی چینی كرێكاری جیهانە!
یەكێتی كۆمۆنیستەكان لە عێراق
کۆڕەو لە دیگایەکی ترەوە
عەلی مەولود
هەڵوەشاندنەوەی تەواوی سیستمی پاشەکەوتی مووچە خواستی دەسبەجێ ی خۆپیشاندەرانی کوردستانە
یەکێتی کۆمۆنیستەکان لە عێراق
٨ ی مـارس رۆژێک بۆ بەرەنگاری
یەكێتی كۆمۆنیستەكان لە عێراق - کۆمیتەی ناوەندی
یرۆزبێت ۸ی مارس ڕۆژی جیهانی ژن
یەکێتی کۆمۆنیستەکان لەعێراق - کۆمیتەی دەرەوە
دەستبەسەركردنی سالح موسلیم بە توندی ئیدانە دەكەین
یەكێتی كۆمۆنیستەكان لە عێراق
پێشەکی
ئالان بادیۆ
عەفرین و رۆژاڤا باکگراوندو دەرهاویشتەکانی
عەلی مەولود
هێرش و هەڕەشەكانی توركیا بۆ سەر عەفرین بە توندی ئیدانە دەكەین
یەكێتی كۆمۆنیستەكان لە عێراق

 

 commona
 
 

info@commona.org - commonasite@gmail.com

سەرجەم مافەكانی ئەم سایتە پارێزراون